Date 16 April, 2022 : Tukin zing khan Tourism Minister Pu Robert Romawia Royte chuan Chite Venga Convention Centre sakna tur a satu tur Engineer te a enpui.

Chite Venga Convention Centre sak tur hi Ministry of Tourism hnuaia 100% funding scheme-a Rs 4500 lakh zeta sak tur niin a sak hna hi M.P Khaitan Construction Engineers ten an thawk dawn a.  Implementing Agency Central PSU hnuaia Wapcos kutah first instalment tur Rs 1500 lakh pawh released tawh a ni. Tourism Minister Pu Robert Romawia Royte-in a sawm angin Union Tourism & DoNER Minister leh Mizoram Chief Minister ten a joint-in hun rei loteah a sak tanna tur lungphum an phum dawn a ni.

Aizawl East-II bialtu leh Sport Minister Pu Robert Romawia Royte chuan Central Assistance to States for Capital Expenditure (CASCE) hnuaia Chite Veng chunga C.P Road Rs 50 lakh senga hnathawhna tur Chite Veng khawtlang hruaitute nen an tlawh bawk.

Chite Veng Inpuiah Chite Veng khawtlang hruaitute leh NGOs hruaitu hrang hrangte nen inkawm hona neih a ni a.
Minister Pu Robert Romawia Royte chuan Chite Veng NGOs te mamawh leh hmachhawpte sawi langin, theihtawpa tan a lakpui tur thu a sawi.


Tourism Director Pu V.Lalengmawia pawhin Chite Venga Convention Centre leh Bazar Haat sak dan tur kalhmang tlangpui a sawi a, Chite Veng khawtlang an vanneihzia leh hmasawnna hnathawktute tha taka lo thawhpui turin a sawm a ni.

Tourism Minister Pu Robert Romawia Royte hi Pu K.Laldawngliana, Tuirial bialtu MLA, Pu V.Lalengmawia, Director, Tourism, Er. Lalthangvela, EE, Aizawl Road North, PWD leh official pawimawh dangten an tawiawm a ni.

 

Attachment

  • Loading attachment...